Determinants of plant invasiveness in clonal speciesan experimental approach with Carpobrotus edulis (L.) N. E. Br. and Alternantera philoxeroides (Mart.) Griseb

Resumo

As invasións biolóxicas son una das causas da perda global de biodiversidade. A razón pola que só algunhas especies exóticas se volven invasoras aínda non foi esclarecida. Nesta tese doutoral realizáronse unha serie de experimentos para dilucidar o papel que desempeñan nas invasións biolóxicas diferentes atributos asociados coa reprodución clonal. Nos capítulos I e II realizáronse experimentos de campo para investigar o beneficio da integración fisiolóxica en Carpobrotus spp. Os capítulos III e IV afondan na selección da plasticidade fenotípica e máis da capacidade competitiva de Carpobrotus spp. ó longo dos procesos de invasións biolóxicas. O capítulo V céntrase no papel da integración fisiolóxica nas respostas defensivas fronte á herbivoria, real e simulada, da planta invasora Alternanthera philoxeroides. O capítulo VI avalía o papel da metilación do ADN como mecanismo epixenético de transmisión da plasticidade fenotípica desta especie. Finalmente, no capítulo VII proponse un modelo de simulación dinámica para o biocontrol de A. philoxeroides, empregando o escaravello Agasicles hygrophila, nunha poboación modelo localizada en Fisterra, Galicia.