Piroposafagadores ou práctica que mantén os estereotipos de xénero?

Resumo

A través dos piropos transmítense mensaxes en relación ao corpo, especialmente no tocante a aspectos sexuais do corpo das mulleres. O obxectivo deste traballo é analizar a presenza dos piropos nas mensaxes que intercambian mozos e mozas. Para isto, lévase a cabo unha investigación cualitativa coa técnica de grupos de discusión nun centro educativo de secundaria. Os resultados móstrannos que as mozas seguen recibindo piropos que fan referencia á súa aparencia e ó seu corpo sexuado, reforzando os estereotipos de xénero que vinculan a feminidade coa beleza da aparencia física e a instrumentalización dos seus corpos sexuados para o pracer dos homes; que os piropos son emitidos non só por coñecidos (familia, compañeiros/parellas), senón tamén por descoñecidos (estraños), sendo os emitidos por descoñecidos os que xeran maior malestar nas mozas. Finaliza este traballo cunhas reflexións relativas á necesidade de abordar os contidos das mensaxes verbais como condutas que seguen a manter os estereotipos de xénero e o labor do/a Educador/a Social na educación para igualdade