O taboleiro derivado de madeira en Galicia

Resum

Os taboleiros derivados de madeira son produtos constituídos a base de elementos de reducidas dimensións de madeira ou material lignocelulósico unidos mediante adhesivos. O taboleiro derivado de madeira ten a súa orixe na necesidade de desenvolver por parte da industria de transformación e os investigadores produtos alternativos á madeira maciza, xa que esta era un ben escaso, difícil de traballar na forma non artesanal e cun baixo aproveitamento da árbore. A rápida evolución da tecnoloxía, permite actualmente fabricar unha importante variedade de produtos, tanto no que a características se refire, como en formas e rematados. Os taboleiros derivados de madeira son, actualmente, base imprescindible de cadeas industriais tan importantes como o moble, a ebanistaría, e a decoración, onde supoñen máis do 70% dos materiais empregados.