A xénese da política de marisqueo de Galiciaestratexias, actores e redes

Resumo

O presente artigo analiza a orixe da política de marisqueo a pe da Xunta de Galicia. Logo de anos de nula intervención e desinterese por parte dos poderes públicos, a Xunta decide intervir, a partir de principios da década dos noventa, na actividade marisqueira deseñando unha política relativamente ben fundamentada e claramente impositiva. Xorden así dous documentos de referencia para o sector e a propia administración pesqueira como son o Plan de Ordenación de Recursos Pesqueiros e Marisqueiros de Galicia (1992) e Lei de Pesca de Galicia (lei 6/1993) ao tempo que se configura unha nova rede política no seo da cal vanse institucionalizar as interaccións informais que viñan mantendo os colectivos máis avanzados do marisqueo e as organizacións procedentes tanto do mundo científico e académico.. A consecuencia da posta en marcha desta estratexia programada é o establecemento de medidas revolucionarias dentro do sector, se ben deixando fóra do proceso político ás propias mariscadoras e ao groso das confrarías.