Strategies of development and maintenance in supervision, control, synchronization, data acquisition and processing in light sources

Résumé

Os aceleradores de partículas e fontes de luz sincrotrón, evolucionan constantemente para estar na vangarda da tecnoloxía, levando os límites cada vez mais lonxe para explorar novos dominios e universos. Os sistemas de control son unha parte crucial desas instalacións científicas e buscan logra-la flexibilidade de manobra para poder facer experimentos moi variados, con configuracións diferentes que engloban moitos tipos de detectores, procedementos, mostras a estudar e contornas. As propostas de experimento son cada vez máis ambiciosas e van sempre un paso por diante do establecido. Precísanse detectores cada volta máis rápidos e eficientes, con máis ancho de banda e con máis resolución. Tamén é importante a operación simultánea de varios detectores tanto escalares como mono ou bidimensionáis, con mecanismos de sincronización de precisión que integren as singularidades de cada un. Este traballo estuda as solucións existentes no campo dos sistemas de control e adquisición de datos nos aceleradores de partículas e fontes de luz e raios X, ó tempo que explora novos requisitos e retos no que respecta á sincronización e velocidade de adquisición de datos para novos experimentos, a optimización do deseño, soporte, xestión de servizos e custos de operación. Tamén se estudan diferentes solucións adaptadas a cada contorna.