Indicadores de sustentabilidadeda teoría á práctica

Resumo

A elección de indicadores de sustentabilidade esixe unha reflexión sobre o propio concepto de sustentabilidade. É por elo que neste traballo, se plantexa a noción de sustentabilidade en base a dous enfoques, a economía ecolóxica e a agroecoloxía, resaltado o seu carácter espazo-temporal, multidimensional, relativo e como complementario a outras propiedades do sistema (estabilidade ecolóxica, económica, social, equidade,autoxestión, produtividade). Na segunda parte, este artigo presenta parte dos resultados dun estudio de caso realizado no eido dun proxecto de investigación máis amplo. Neste proxecto buscouse primeiro a heteroxeneidade no manexo agrario (concretamente dentro da produción de leite) a través da existencia de diferentes Estilos de Agricultura. Unha vez atopados os Estilos, analizouse a maior ou menor contribución de cada un dos Estilos á sustentabilidade, en función de diferentes indicadores de sustentabilidade.