Traballo e prácticas artísticas feministas

Resumo

A autora do artigo achega unha serie de proxectos fotográficos produto da súa in- vestigación artística nos que aborda a temática do traballo: O mundo patas arriba, 2009; Guía postal de Lugo (1936-1976), 2014; Facedoras (2017-2020); e 100% con- tigo, 2017-2018. A división sexual do traballo, as tarefas desenvolvidas no espazo doméstico e a contribución non recoñecida das mulleres nas súas comunidades, son algunhas das cuestións que están na base destas obras. A análise das obras é precedida dunha contextualización na que se observa a presen- za/ausencia da temática do traballo en diferentes correntes artísticas e o tratamento que se lle da desde as prácticas feministas. Trázanse algunhas liñas xenealóxicas entre obras feministas realizadas desde finais dos anos 60 do pasado século, enlazando diferentes épocas e lugares e atinxindo disciplinas e formas de articular o traballo artístico ben diversas.