A obesidade infantil e xuvenilUnha afronta integrada do consumo responsable e o exercicio físico

Resumo

A obesidade enténdese como un trastorno crónico ou endémico, influenciado por diversos factores –ambientais, xenéticos, psicolóxicos, de comportamento e estilo de vida– que conducen a un desaxuste metabólico. En definitiva, prodúcese un saldo enerxético positivo cando a inxestión de calorías supera o gasto enerxético e isto provoca causalmente un aumento dos depósitos de graxa corporal e un aumento do peso. A obesidade infantil é un termo que lle afecta á poboación entre 0 e 17 anos de idade, abrangue todas as etapas preuniversitarias da educación e ten máis incidencia, segundo a OMS, nos países pobres. É o principal factor de risco de enfermidades como a diabetes, as enfermidades cardiovasculares e a presión arterial alta. Na última década, a súa prevalencia aumentou a niveis considerables. Estímase que en 2019, ao redor de 41 millóns de nenos e nenas menores de 6 anos foron considerados obesos ou con sobrepeso. A gran maioría deles atópase en Asia e África. A prevención da obesidade está suxeita a tres niveis: a prevención primaria, o nivel máis significativo e preventivo e o que máis nos ocupa aos docentes; o secundario e o terciario que tamén trataremos nesta revisión bibliográfica