ALBERTO
PENA RODRIGUEZ

Alberto Pena Rodríguez é Catedrático do Departamento de Comunicación Audiovisual e Publicidade na Facultade de Comunicación da Universidade de Vigo, da que foi decano dous mandatos (2000-2003 e 2006-2009), vicedecano (1998-2000) e secretario académico (1996-1998), entre outros postos de responsabilidade institucional. Licenciado e Doctor Europeus en Ciencias da Información pola Universidade Complutense de Madrid (da que foi Bolseiro FPU, 1995-1996), así como Doutor en Historia (con Premio Extraordinario) pola UNED, foi Endowed Chair Professor in Portuguese Studies na University of Massachusetts Dartmouth (Fall semester 2013) e FLAD/Brown Michael Teague Visting Professor in Portuguese & Brazilian Studies na Brown University (Providence, Rhode Island, Spring semester 2017), Visiting Scholar en Harvard University (Cambridge, Mass.) e University of California Berkeley, ademais de profesor ou investigador convidado en outras universidades europeas e americanas. A súa obra foi traducida ao inglés, portugués e francés, con libros publicados en Estados Unidos, Brasil, Portugal e España. Entre as súas monografías, están News on the American dream. A history of the Portuguese press in the United States (Tagus Press/University of Massachusetts Press, 2020); Salazar y Franco. La alianza del fascismo ibérico contra la España republicana: diplomacia, prensa y propaganda (Trea, 2017), ou Comunicar en la diáspora. Prensa, periodismo, radio, exilio y propaganda entre los inmigrantes portugueses en Estados Unidos (Comares, 2021). Publicou 31 libros (como autor/coautor ou editor/coeditor), máis de medio cento de artigos en revistas científicas, entre elas Media History, Radio Journal, Journal of Spanish Cultural Studies e Journal of Iberian & Latin American Research, e máis dun cento de capítulos en libros de editoriais como Routledge, Palgrave Macmillan, Peter Lang, Bloomsbury, Dykinson ou Tirant lo Blanch. Asemade, dirixiu 10 teses de doutoramento, varias premiadas en convocatorias competitivas. Entre outras institucións de prestixio internacional, foi conferenciante convidado do Center for European Studies da Harvard University, do Institute of European Studies da University of California Berkeley, do Center for Iberian Studies da California State University, do Keough-Naughton Institute na University of Notre Dame (Indiana), da University of Massachusetts (nos campus de Dartmouth e Lowell), da Universitè Burdeaux Montaigne, do Arquivo Nacional de Rio de Janeiro, nos departamentos de Historia das universidades de São Paulo e Bolonia, no Colegio de México, no Instituto de Ciências Sociais e o Centro de Jornalismo de Lisboa ou o Círculo de Bellas Artes de Madrid. Tamén exerceu como presidente da Asociación de Historiadores da Comunicación (AsHisCom, 2007-2010) e director da Sección de Historia da Comunicación Social da Asociación Española de Investigación en Comunicación (AE-IC, 2020-2024). E colaborou como avaliador científico da Agencia Estatal de Investigación (AEI), da Agencia Nacional de Evaluación y Prospectiva (ANEP) e o Ministerio de Economía y Competitividad. Actualmente, é o coordinador do Núcleo de España da International Network for the Study of Fascisms, Authoritarianisms, Totalitarianisms and Transitions to Democracy (REFAT, https://site.unibo.it/refat/en) Como xornalista, traballou como correspondente de Televisión Española (TVE), El Correo Gallego e Diario 16 de Galicia, así como analista semanal de actualidade informativa da Radio Galega (2003-2009). Polos seus traballos como xornalista ou investigador, obtivo o Premio de Xornalismo Francisco Fernández del Riego (2010), o Premio de Xornalismo sobre Drogodependencias da Xunta de Galicia (1992) e o Premio de Investigación en Humanidades e Ciencias Sociais da Deputación de Pontevedra (1998)