A enquisa na investigación sociolingüística

Résumé

O obxectivo do traballo é presentar unha descrición da enquisa estatística xa que constitúe un instrumento tradicionalmente vencellado á investigación cuantitativa orientada á observación e á análise da estructura social. A procura da cuantificación dos obxectos sociais segue sendo unha das tendencias máis salientables no proceso de elaboración de coñecemento científico, en especial desde as perspectivas teóricas positivistas. E en determinadas áreas da investigación sociolingüística a pertinencia da enquisa é indubidable. Trala definición e contextualización da enquisa, presentamos unha tipoloxía de enquisas e dedicamos un epígrafe ó cuestionario, dispositivo de mediación entre o investigador e a poboación analizada. A continuación, centrámonos na selección das unidades de observación e comentamos as características máis salientables das mostraxes de tipo probabilístico e de tipo non aleatorio. Finalmente, dedicamos un apartado específico ó tratamento dos datos e nel comentamos os aspectos teóricos e metodolóxicos máis salientables dos procedementos da descrición e da inferencia estatística