Fundamentos e características da vigente normatividade lexical

Resumo

O presente artigo analisa as fontes e as características da (dupla) prescritividade lexical que, definida no decénio de 1980, está hoje vigente no galego-português da Galiza, para o que se introduzem os conceitos de prescriçom enunciativa, prescriçom propositiva e prescriçom pragmática. Esta análise leva a concluir que as características fundamentais da prescriçom lexical isolacionista (fundamentalmente propositiva) som ineficácia, incoerência, arbitrariedade, instabilidade e insuficiência prescritivas, enquanto a prescriçom lexical reintegracionista (fundamentalmente enunciativa) se caracteriza pola sua eficácia, coerência e estabilidade. No entanto, o trabalho assinala algumhas deficiências presentes na prescriçom lexical da Comissom Lingüística da AGAL que esta deverá sanear.